काठमाडौं । कोभिड–१९ विरुद्धको बुस्टर खोप राजधानीका विभिन्न स्थानलमा लगाउन सुरु गरिएको छ । सोमबारदेखि काठमाडौंका विभिन्न स्थानमा कोभिड–१९ विरुद्धको दुवै मात्रा लगाइसकेका अग्रपंक्तिमा काम गर्नेहरुलाई यो खोप दिन थालिएको हो ।

यो खोप सशस्त्र प्रहरी बल अस्पताल बलम्बु, सहिद मेमोरियल अस्पताल कलंकी, वीरेन्द्र सैनिक अस्पताल छाउनी, लोट्से भवन नयाँ बसपार्क, नेपाल प्रहरी अस्पताल महाराजगंज, वीर अस्पताल, शुक्रराज ट्राफिकल तथा सरुवा रोग अस्पताल टेकुमा लगाइदै छ ।

त्यसैगरी बयोधा अस्पताल बल्खु, प्रसुती रोग तथा स्त्रीरोग अस्पताल थापाथली, निजामती अस्पताल नयाँ बानेश्वर, पिपुल्स डेन्टल कलेज एण्ड हस्पिटल सामाखुसी, काठमाडौं मोडल अस्पताल, एपेक्स पोलिक्लिनिक जडिबुटी, काठमाडौं मोडल अस्पताल प्रर्दशनीमार्ग, जनमैंत्री अस्पताल बालाजु, शुभेच्छा अस्पताल थापाथली, नर्भिक अस्पताल थापाथली र नोबेल अस्पताल सिनामंगलमा खोप लगाइदै छ ।

सबै खोप केन्द्रमा खोप लगाउनेको भीड रहेको छ । बुस्टर खोप लगाउनका लागि यसअघि खोप लगाइसकिएको खोप कार्ड अनिवार्य गरिएको छ ।