नियम कानुन देखाएर एक महिना पदमा बसेका मुख्यमन्त्री शाहले दिए राजीनामा

काठमाडौं। सुदूरपश्चिम प्रदेशका मुख्यमन्त्री कमलबहादुर शाहले अन्त अल्पमतमा परेको एक महिना पछि पदबाट राजीनामा दिएका छन् । उनले बिहीबार प्रदेशसभामा सम्बोधन गर्दै राजीनामाको घोषणा गरेका हुन् ।

मुख्यमन्त्री शाहले प्रदेशसभाबाटै राजिनामाको घोषणा गरेका थिए । त्यसपछि उनले प्रदेश प्रमुख नजिर मियाँसमक्ष राजीनामापत्र बुझाएका छन् ।

यससँगै सुदूरपश्चिम प्रदेश सरकार गठनको नयाँ प्रक्रियाको बाटो खुलेको छ । मुख्यमन्त्री शाहले एक महिना पदमा बस्नको लागि विश्वासको मत लिने भन्दै आएका थिए । तर उनको पक्षमा बहुमत पुग्ने अवस्था थिएन । जसका कारण आज राजीनामा दिएका हुन् ।

शाहको राजीनामासँगै अब प्रदेश प्रमुख मियाँले संविधानअनुसार नयाँ सरकार गठनका लागि भोली बिहान ११ बजेसम्म दाबी पेश गर्न भनेका छन् ।