काठमाडाैं। जिल्ला प्रहरी कार्यालय धनुषाको हिरासतबाट ८ जना थुनुवा फरार भएका छन् ।

आइतबार राति भेन्टिलेशन तोडेर ८ जना थुनुवा फरार भएको प्रहरीले जनाएको छ ।

प्रहरी हिरासतबाट ९ जना फरार भएकोमा एक जनालाई भने नियन्त्रणमा लिएको जानकारी दिएकोछ ।

फरार हुनेमा लागुऔषध मुद्दामा पक्राउ परेका अमितकुमार झा, रंजित मण्डल, रोशनकुमार मण्डल, अभास्कर कुमार यादव, विशाल मुखिया र अभद्र व्यवहारमा पक्राउ परेका मनिष मण्डल र बिक्की कार्कीका साथै एक जना नाबालक रहेका छन् ।
फरार भएकाहरूको खोजीका लागि रातिदेखि नै प्रहरीले विभिन्न ठाउँमा सर्च अभियान चलाएको छ । सीमा क्षेत्रमा समेत निगरानी बढाइएको छ ।

धनुषाका प्रमुख जिल्ला अधिकारी रामुराज कडरियाले आठजना थुनुवा हिरासतबाट भागेको सुनेको बताए ।