१६ माघ । हेटौंडा । मकवानपुर प्रहरीले ६३ केजी लागूऔषध गाँजा र अफिम
सहित दुई जनालाई पक्राउ गरेको छ । गाँजा र अफिम बोकेर पुर्व–पश्चिम राजमार्गबाट बोलेरोसहित २ जनालााई पक्राउ गरेको छ ।

हेटौंडा–१९ नेवारपाती स्थित पूर्वपश्चिम लोकमार्ग सडक खण्डमा चेकजाँच गर्ने क्रममा प्रहरी टोलीले बुधबार राती साढे ९ बजे ६३ केजी गाँजा र ३ सय ग्राम अफिमसहित २ जनालाई पक्राउ गरेको हो ।

प्रहरीले बारा पर्सौनी गाउँपालिका–६ का २८ बर्षीय रामजी साह तेली र आदर्श कोतवाला गाउँपालिका–२ का ३० बर्षीय प्रेम पटेललाई पक्राउ गरेको छ ।

बोलेरोको पछाडि भागमा फल्स बटम बनाइ लुकाइ ल्याएको २१ वटा प्लाष्टिकको पोकामा ६३ केजी गाँजा र ३ सय ग्राम अफिमसहित २ जनालाई पक्राउ गरेको छ ।

मनहरीबाट हेटौंडा तर्फ जाँदै गरेको बा ३ च ५९९७ नम्बरको बोलेरो पिकअप गाडीलाई जाँच गर्दा बोलेरोमो प्रतिबन्धित गाँजा र अफिम फेला परेको मकवानपुर प्रहरी प्रमुख प्रहरी उपरीक्षक सुरेशसिंह राठौरले बताए ।