काठमाडौं । सञ्चारमन्त्री पृथ्वीसुब्बा गुरुङले गल्ती गर्ने कसैलाई सरकारले छुट नहुने बताएका छन् । कोशी प्रदेशका पूर्वकानुनमन्त्रीको पक्राउ तर्फ इंकितगदै गल्ती गर्ने कसैलाई छुट नहुने बताए ।

मन्त्रिपरिषद्का निर्णयहरु सार्वजनिक गर्न आयोजित पत्रकार सम्मेलनमा सरकारका प्रवक्ता समेत रहेका मन्त्री गुरुङले भने, ‘यो एउटा संकेत हो । यस्तो काम गर्‍यो भने सत्तारुढ दलको कुनै सांसद होस् कि मन्त्री वा मुख्यमन्त्री होस्, छुट पाउँदैन। गल्ती गर्नेले सजाय पाउनुपर्छ भन्ने सिद्धान्तका साथ लागेका छौं।

मानव तस्करीमा जोडिएपछि मन्त्री पदबाट राजीनामा दिएका लिलाबल्लव अधिकारीलाई प्रहरीले आइतबार पक्राउ गरेर अनुसन्धानका लागि काठमाडौं ल्याएको छ । उनलाई अनुसन्धानको लागि दुई दिन हिरासतमा राखेको छ ।