काठमाडौं । भारी वर्षाका कारण मुग्लिन रारायणगढ सडकखण्डमा भोलि बिहानसम्मका लागि गाडी चलाउन रोक लगाइएको छ । चितवन जिल्ला प्रशासनले सूचना जारी गर्दै भोलि बिहान ५ बजेसम्मलाई गाडी चलाउन रोकेको हो । लगातारको वर्षाका कारण उक्त सडकखण्डमा पहिरोको जोखि उच्च भएकाले रोक लगाइएको प्रशासनले जनाएको छ । बाढी पहिरोको उच्च जोखिम अझै कायमै रहेकोले सुरक्षित रहन पनि प्रशासनको सूचनामा आग्रह गरिएको छ । पछिल्लो २४ घण्टा यता परेको पानीका कारण देशभरका सडकहरुमा पहिरो गएको छ । राजमार्गहरुको सम्पर्क टुटेको छ ।