एटिएमको प्रणाली नै ह्याक गरेर पैसा लुट्ने चिनियाँ आपराधिक समूहका थप तीन जना नेपाली पनि पक्राउ परेका छन् ।

महानगरीय प्रहरी परिसर काठमाडौंको टोलीले ठमेल क्षेत्रबाट उनीहरुलाई नियन्त्रणमा लिएको हो । प्रहरीले ठमेलमा रहेको डेस्को भन्ने मनिचेन्जरका देवनाथ लामिछाने सहित रोसन प्रधान श्रेष्ठ र रेवती भनिने एक युवकलाई नियन्त्रणमा लिएको हो ।

शनिवार मायामनोहर होटेलबाट फरार भएका व्यक्तिहरुले मनिचेन्जरमा पुगरे २९ लाख ९९ हजार रुपैयाँ डलरमा साटेको देखिएपछि अनुसन्धानको लागि उनीहरुलाई नियन्त्रणमा लिइएको छ ।

यस्तै, परिसर काठमाडौंको टोलीले आइतबार राति सु लुसिङ नाम गरेका एक चिनियाँ नागरिकलाई त्रिभुवन विमानस्थलबाट नियन्त्रणमा लिएको थियो ।