सशस्त्रका एसएसपी माथि औषधी खुवाएर आफ्नै कार्यालयमा बलात्कार गरेको आरोप, प्रहरी घटनास्थल पुग्दा एसएसपी फरार

काठमाडौँ । ३१ असार । सशस्त्र प्रहरी बल नेपालका एसएसपी राजेन्द्र अधिकारीमाथि बलात्कारको आरोप लागेको छ । नेपाल सशस्त्र प्रहरी बल नेपाल हुल तथा दंगा व्यवस्था तालिम शिक्षालय लामापाटन पोखरामा कार्यरत एसएसपी अधिकारीमाथि बलात्कारको आरोप लागेको हो ।

सशस्त्र प्रहरी मुख्यालय उच्चस्रोतका अनुसार एसएसपी अधिकारीले चितवनको भरतपुर बस्ने एक महिलालाई आफ्नै कार्यालयमा बोलाएर बलात्कार गरेको जनाएको छ । एसएसपी अधिकारीले ती महिलालाई लठ्याउने औषधी खुवाएर बलात्कार गरेको आरोप छ ।

ती महिलाले आफूलाई बलात्कार गरेको भन्दै प्रहरी कार्यालयमा उजुरी दिएकी छन् । यस सम्बन्धमा अनुसन्धान गर्न कास्की प्रहरी घटनास्थल पुगे पनि एसएसपी अधिकारी भने फरार रहेका छन् । अधिकारीको खोजीकार्य तीब्र बनाइएको प्रहरीले जनाएको छ ।