Swornakshar Logo

नवनियुक्त आइजिपीले सम्हाले कार्यभार

काठमाडौं । २५ असार । नेपाल प्रहरीका नवनियुक्त आइजिपी शैलेश थापा क्षेत्रीले कार्यभार सम्हालेका छन्।

एआइजी रहेका क्षेत्रीलाई बुधबार बसेको मन्त्रिपरिषद् बैठकले आइजिपीमा बढुवा गरेको थियो।

क्षेत्रीलाई बिहीबार बिहान गृहसचिव महेश्वर न्यौपानेले दर्ज्यानी चिन्ह लगाइदिएका थिए।
आइजिपी क्षेत्रीले बिहीबार दिउँसो प्रहरी प्रधान कार्यालय पुगेर कार्यभार सम्हालेका हुन्।
उनी अब २२ महिना आइजिपी पदमा रहनेछन्।
आजै यसअघिका आइजिपी ठाकुरप्रसाद ज्ञवाली बिदाइ भएका छन्। उनी गत माघमा आइजिपी भएका थिए। उनको कार्यकाल पाँच महिनामात्रै रह्यो।
तस्बिर सौजन्यः प्रहरी प्रधान कार्यालय