काठमाडौं । १० चैत । वसन्त चौधरी फाउण्डेशनको तर्फबाट सरकारले हिजोमात्र स्थापना गरेको कोरोना कोषमा वसन्त चौधरीले १ करोड रुपैयाँ जम्मा गर्ने घोषणा गरेका छन् ।

चौधरी फाउण्डेशनका तर्फबाट नगद ५० लाख रुपैयाँ नगद र ५० लाख रुपैयाँ बरावरको जरुरी मेडिकल सामग्री उपलब्ध गराउने घोषणा गरेका हुन् ।

यसअघि सार्क कोषमा समेत रकम राख्न पाइने–नपाइने भन्ने विषयमा उनले जिज्ञसा राख्दै आएका थिए । हिजो बसेको मन्त्रिपरिषद बैठकले कोरोना संक्रमण रोकथाम तथा संक्रमण भए उपचारका लागि ५० करोड रुपैयाँ बरावरको कोष स्थापना गरेको थियो ।

जसमा संघीय मन्त्रीहरुले एक महिनाको तवल दिने घोषणा गरिसकेका छन् ।

सरकारको तर्फबाट सार्क राहत कोषमा समेत १० करोड रुपैयाँ जम्मा गर्ने घोषणा भइसकेको छ । यो कोषमा भारत सरकारले १ करोड अमेरिकी डलर र भुटान सरकारले १ लाख अमेरिकी डलर जम्मा गर्ने निर्णय गरिसकेका छन् ।