काठमाण्डाै – राष्ट्रपति विद्यादेवी भण्डारी र चिनियाँ राष्ट्रपति सी जिनपिङबीच शितल निवासमा भेटवार्ता सुरु भएकाे छ । शीतल निवासमा जारी भेटवार्तामा नेपाल–चीन सम्बन्धका विविध पक्षमा विचारविमर्श भइरहेको छ ।
भेटवार्तामा राष्ट्रपति भण्डारी र चिनियाँ समकक्षी सी ले दुइदेशबीच लामो समयदेखि असल र प्रगाढ सम्बन्ध रहिआएको र यसलाई थप उचाइमा पुर्याउनुपर्नेमा जोड दिनुभएको छ ।
भेटमा चिनियाँ राष्ट्रपति सी ले नेपाल चीनको अत्यन्तै नजिकको मित्र भएकाले जुनसुकै प्रकारको सहयोग गर्न तयार रहेको बताएको शितल निवासले जनाएको छ ।
नेपालको दुईदिने भ्रमणमा रहनुभएका राष्ट्रपति सीलाई त्रिभुवन अन्तर्राष्ट्रिय विमानस्थलको अतिविशिष्ट कक्षमा राष्ट्रपति विद्यादेवी भण्डारी, उपराष्ट्रपति नन्दबहादुर पुन र प्रधानमन्त्री केपी शर्मा ओलीले हार्दिकतापूर्वक स्वागत अभिवादन गर्नुभएकाे थियाे । त्यसअघि राष्ट्रपति भण्डारीले विमानमा नै पुगेर राष्ट्रपति सीलाई स्वागत गर्नुभएको थियो ।
राष्ट्रिपति भण्डारीले चिनियाँ राष्ट्रपतिकाे सम्मानमा रात्रीभाेजकाे पनि आयाेजना गर्नुभएकाे छ ।
प्रतिक्रिया दिनुहोस्
प्रतिक्रियाहरू लोड हुँदैछन्…