५ भदौ । काठमाडौं । पूर्वप्रधानमन्त्री तथा समाजवादी पार्टीका संघीय परिषद् अध्यक्ष डा. बाबुराम भट्टराई र उपप्रधानमन्त्री तथा सोही पार्टीका अध्यक्ष उपेन्द्र यादव भारतीय विदेशमन्त्री एस जयशंकरलाई भेट्न उनी बसेकै होटल द्वारिकाजमा पुगेका हुन् ।

दुबै नेता कुटनीतिक मर्यादा उलङ्घन गर्दै भारतीय विदेशमन्त्री एस जयशंकरलाई उनी बसेकै होटलमा भेट्न पुगेका हुन् ।

उक्त भेटमा भारतीय विदेशमन्त्रीसंग नेपाल भारतबीचको दुई पक्षीय हित, आपसी चासोलगायतका विषयमा छलफल भएको बताइएको छ ।

नेपाल भारत दुई पक्षीय बैठकमा सहभागी हुन आएका जयशंकर उच्चस्तरीय भेटघाट सकेर आजै अपरान्ह स्वदेश फिर्ता हुँदैछन् ।