१ भदौ । काठमाडौं । नेता झलनाथ खनाल नेपाल कम्युनिस्ट पार्टी (नेकपा) को वरीयतामा नेता माधवकुमार नेपालभन्दा अगाडि भएका छन् ।

आइतबार साँझ बसेको नेकपाको सचिवालय बैठकले वरिष्ठ नेतामा पहिलो खनाललाई राखेको छ भने दोस्रोमा माधव नेपाललाई राख्ने सहमति भएको पार्टीका प्रचार विभाग प्रमुख नारायकाजी श्रेष्ठले बताए ।

यता वामदेव गौतमले भने अखिल नेपाल किसान महासंघको संयोजक पद छोडेका छन् ।

यसअघि वरिष्ठ नेता नेपालले आफ्नो पक्षका तीनजना नेतालाई उपाध्यक्ष बनाउने भए, नेता खनाललाई आफूभन्दा माथि राख्न भने ।

नेपालले अष्टलक्ष्मी शाक्य, भीम रावल र युवराज ज्ञवालीलाई उपाध्यक्ष बनाउनुपर्ने प्रस्ताव गरेका थिए ।

बामदेव गौतमलाई भने यसअघिको सचिवालय बैठकले उपाध्यक्षमा सिफारिस गरिसकेको छ ।