प्रचण्डले ओलीलाई लक्षित गर्दै भने– पटक–पटक संसद विघटन गर्नेले नै पुनःस्थापनाको कुरा गर्नु हास्यास्पद हो

काठमाडौं । नेपाल कम्युनिस्ट पार्टी (माओवादी केन्द्र) का संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ले संसद पटक–पटक विघटन गर्नेहरूले नै अहिले संसद पुनःस्थापनाको कुरा गर्नु हास्यास्पद भएको बताएका छन् ।

उनले पार्टी कार्यालय, पेरिसडाँडामा अखिल नेपाल ट्रेड युनियन महासंघद्वारा आयोजित शुभ दीपावली, नेपाल संवत् र छठ पर्वको अवसरमा चियापान तथा शुभकामना आदान–प्रदान कार्यक्रमलाई सम्बोधन गर्दै त्यस्तो धारणा राखेका हुन् ।

संयोजक ‘प्रचण्ड’ले ओलीलाई लक्षित गर्दै भने, ‘संसद पटक–पटक विघटन गर्नेहरूले नै अहिले संसद पुनःस्थापनाको कुरा गर्नु हास्यास्पद हो । केपी ओली प्रधानमन्त्री हुँदा संसद विघटन भयो, राष्ट्रपतिको भूमिकाले त्यो संकट अझ चर्कियो । अहिले उनीहरूकै समूहले संसदको कुरा गर्नु विडम्बनापूर्ण हो ।’