घुमाउनेमा दुर्घटनामा परेकाहरुको पहिचान खुल्यो

नारायणगढ मुग्लिन सडकअन्तर्गत चितवनको घुमाउनेमा आइतबार बिहान बस दुर्घटना हुँदा घाइते भएकाहरूको पहिचान खुलेको छ।

महेन्द्रनगरबाट काठमाडौँ जाँदै गरेको सुप्रप्र ०२–००१ ख १३३२ नम्बरको बस बिहान ७ः १५ बजे भरतपुर महानगरपालिका वडा नम्बर २९, घुमाउनेमा दुर्घटना हुँदा १७ जना घाइते भएका हुन्।

तीमध्ये ५ घाइतेको अवस्था मध्यम छ भने बाँकी १२ जना सामान्य घाइते भएको जिल्ला प्रहरी कार्यालय चितवनका डीएसपी भेषराज रिजालले जानकारी दिए।

घाइते हुनेमा कञ्चनपुरको भीमदत्त नगरपालिका १० बस्ने वर्ष ४० की तारा भट्ट कैलाली चिसापानी नगरपालिका ३ बस्ने वर्ष २३ की हरिकला थापा, कैलाली चिसापानी नगरपालिका ३ बस्ने वर्ष १९ का कैलाश विक रहेका छन् ।

कैलाली चिसापानी नगरपालिका ३ बस्ने वर्ष २७ की कृष्णा विक कैलाली चिसापानी नगरपालिका ३ बस्ने वर्ष ३५ की जयन्ती विक कञ्चनपुर भीमदत्त नगरपालिका ८ बस्ने वर्ष ३७ का दिलबहादुर सुनार तथा कञ्चनपुर नगरपालिका ३ बस्ने वर्ष २३ का समिदेवल राना रहेका छन् ।
अन्य घाइतेमा कैलालीको गोदावरी नगरपालिका १२ बस्ने वर्ष ३७ का शेरबहादुर विष्ट बझाङ बित्थडचिर गाउँपालिका ४ बस्ने वर्ष २२ का वसन्त बोहोरा कञ्चनपुर भीमदत्त नगरपालिका ७ बस्ने वर्ष ३४ का धरम खड्का, कञ्चनपुर भीमदत्त नगरपालिका १० बस्ने वर्ष २० का दीपेश भट्ट छन्।

यसैगरी दार्चुलाको महाकाली नगरपालिका ६ बस्ने वर्ष २३ का लक्ष्मण बम कञ्चनपुर भीमदत्त नगरपालिका ९ बस्ने वर्ष २५ का भीमसेन सार्की, बैतदी दशरतचन्द नगरपालिका २ बस्ने वर्ष ३७ का जनक बिजाली, कञ्चनपुर भीमदत्त नगरपालिका ४ बस्ने वर्ष २३ का विनोद सार्की, डडेलधुरा गन्यापधुरा गाउँपलिका ३ बस्ने वर्ष ३३ का देव बहादुर भुल र चितवन भरतपुर ५ बस्ने वर्ष २५ का विपिन न्यौपाने घाइते भएको डीएसपी रिजालले जानकारी दिए। उनीहश्र सबैको अवस्था सामान्य रहेको छ ।

घाइते सबै नयाँ मेडिकल कलेज भरतपुरमा उपचारत छन्। बस आफैँ अनियन्त्रित भई सडकको डिभाइडरमा ठोकिएर दुर्घटना भएको डीएसपी रिजालले जानकारी दिए।

उनका अनुसार सडक किनारमा लगाइएको बारले छेकेकाले बस त्रिशूली नदीमा खस्नबाट जोगिएको थियो ।