काठमाडौँ । एयर डाइनेस्टीको हेलिकप्टर खराब मौसमका कारण दुर्घटना भएको आशंका गरिएको छ । दुर्घटनास्थलको भौगोलिक अवस्था हेर्दा खराब मौसमका कारण दुर्घटना भएको हुन सक्ने आंशका गरेका छन् । हेलिकप्टर दुर्घटना भएको क्षेत्रमा बिहानैदेखि बाक्लो कुहिरो लागेको जानकारी दिइएको छ । हेलिकप्टर कुनै पहाडमा ठोक्किएको पनि नदेखिएको बताइएको छ । जहाज गुर्जे भन्ज्याङबाट सूर्यचौर नपुग्दैको जंगलमा दुर्घटनाग्रस्त भएको छ । दुर्घटनामा सबार सबै ५ जनाको शव फेला परेको प्रहरीले जानकारी दिएको छ । एयर डाइनेस्टीको हेलिकप्टर उडेको तीन मिनेटमै काठमाडौँ टावरसँग सम्पर्क विच्छेद भएको थियो । नागरिक उड्डयन प्राधिकरणले बुधबार एक विज्ञप्ति जारी गर्दै काठमाडौँ विमानस्थलबाट दिउँसो १ः५४ मा उक्त हेलिकप्टर उडेको जानकारी दिएको छ ।