काठमाडौं । रुकुम पश्चिमको मुसिकोट नगरपालिका–२मा जन्ती बस दुर्घटना हुदा एकनाको मृत्यु भएको छ । जन्ती बस दुर्घटना हुदा घाइते भएका मुसिकोट नगरपालिका १ घिमानेका बुदुराम खड्कालाई उपचारका लागि नेपालगन्ज लैजाँदै गर्दा सल्यानको सल्लीबजारमा मृत्यु भएको प्रहरीले जनाएको छ ।

जिल्लाको बाँफिकोट गाउँपालिका–२ को पिपलबाट जन्ती लिएर मुसिकोट–१ को घिमानेतर्फ फर्किरहेको ग १ ख २१०९ नम्बरको बस दुर्घटना भएको थियो ।

मुसीकोट २ को बरेली बजार नजिकै सोमबार साँझ जन्ती बस दुर्घटनामा भएको थियो । जसमा २१ घाइते जिल्ला अस्पताल रुकुम पश्चिम लगिएको थियो ।

प्रहरीका अनुसार दुर्घटनामा गम्भीर घाइते भएकामध्ये पाँच जनालाई थप उपचारका लागि नेपालगन्ज रिफर गरिएकोमा खड्काको बाटोमै मृत्यु भएको हो ।

प्रहरीका अनुसार १५ जना डिस्चार्ज भइसकेको र चार जनालाई नेपालगन्ज पठाइएको छ । घाइते भएर नेपालगन्ज पठाइएकामा मुसिकोट नगरपालिका–१ का वडाध्यक्ष वीरबल केसी पनि छन् ।