हेटौँडा । १८ साउन । मकवानपुर प्रहरीले कारागारबाट फरार रहेका एक कैदीलाई पक्राउ गरेको छ । भिमफेदी कारागारमा कर्तव्य ज्यान मुद्दामा २० बर्षको सजाय भोग्दै आएका सुनसरी रामधुनी नगरपालिका वडा नम्बर ७ बस्ने २५ बर्षिय कुलदिपराज धामी २०७६ कार्तीक ३० गते कारागारबाट भागेका थिए।फरार रहेका उनलाई जिल्ला प्रहरी कार्यालयबाट खटिएको प्रहरी टोलीले कञ्चनपुरबाट चितवन तर्फ आउने क्रममा यहि साउन १६ गते नवलपुरको देवचुली नगरपालिका वडा नंम्बर १६ रहजरबाट भागेको ९ महिनापछि पक्राउ गर्न सफल भएको मकवानपुर प्रहरी प्रमुख प्रहरी उपरीक्षक सुशिल सिंह राठौँरले बताएका छन । पक्राउ परेका धामीलाई आइतबार जिल्ला प्रहरी कार्यालय मकवानपुरमा पत्रकार सम्मेलनको सार्वजनिक गरेको हो ।धामीले २०७१ सालमा चितवनमा २१ वर्षिय रोजिन गुरुङलाई हत्या गरेका थिए उनलाई बाँकी सजाए भुक्तानीको लागि आजै भिमफेदी कारागार पठाउने तयारी भइरहेको एसपी राठोरले बताएका छन ।