Swornakshar Logo

लकडाउनमा प्रदर्शन गरे ६ महीना थुन्ने गृह मन्त्रालयको चेतावनी

काठमाडौं । २९ जेठ । लकडाउनका बेला सडकमा प्रदर्शन हुन थालेपछि गृहमन्त्रालयले कारवाहीको चेतावनी दिएको छ। विभिन्न बहानामा सडकमा प्रदर्शन भइरहेको भन्दै गृह मन्त्रालयले कारवाही गर्ने चेतावनी दिएको हो ।

गृहले आज एक विज्ञप्ति जारी गरी, जोखिम बढाउने र सामाजिक सञ्जालमार्फत मानिसलाई भड्काउन संगठित हुने गतिविधि कसैलाई पनि गर्न नदिने र यसका लागि प्रभावकारी कदम चाल्न प्रशासन र सुरक्षा निकायलाई स्पष्ट निर्देशन गृह मन्त्रालयले दिइएको छ।

‘लकडाउन उल्लंघन गर्ने, संक्रमणको जोखिम बढाउने र सामाजिक सद्भाव खलबल्याउने गरी कुनै पनि गतिविधि गर्न नदिन प्रशासन कार्यालय र सुरक्षा निकायलाई निर्देशन दिइएको गृह मन्त्रालयका सहप्रवक्ता उमाकान्त अधिकारीले बताए । पछिल्लो ३ दिनयता राजधानीसहित मुलुकका प्रमुख सहरहरुमा सरकारविरोधी आन्दोलन भइरहेका छन् ।