फाईल फोटो
१३ जेठ । हेटौडा । मकवानपुरको थाहा नगरपालिका १ कन्छाल नजिक कुले खोलामा आज बिहान काडमाठौंबाट हेटौंडातर्फ आउदै गरेको ट्रकमा आगजनी भएको छ ।

आज विहान सवा ४ बजे नौखण्डेमाना ६ ख ८००७ नम्बरको ट्रक गुडिरहेको अवस्थामानै आगजनी भएको हो ।

इलाका प्रहरी कार्यालय पालुङ्ले दिएको जानकारी अनुसार अज्ञात समुहमा आएका ३ जनाको समुहले सो ट्रकमा पेट्रोल छर्किएर आगजनी गरेको प्रारम्भीक अनुसन्धानबाट खुलेको छ ।

आगजनीबाट ट्रकको अगाडीको भाग पुरै जलेर क्षति भएको समेत प्रहरीले जानकारी दिएको छ ।
चालक भने प्रहरी नियन्त्रणमानै रहेको प्रहरीको जानकारी छ ।