गोखामा पशुपन्छी पाल्न कडा प्रतिबन्ध, मासु खाए ५० हजार जरिवाना

गोरखा । गोरखाको एउटा वडा कार्यालयले मासु किन्न, खान र पशुपन्छी पाल्न कडा प्रतिबन्ध लगाएको छ । र, कसैले यसको उल्लंघन गरे ठुलो मात्रामा जरिवाना तिर्नु पर्नेछ ।

‘अब हाम्रो वडाभित्र पशुपन्छी काटमार गर्नेलाई ५० हजार, मासु बेचबिखन गर्नेलाई ५० हजार किन्नेलाई पनि ५० हजार रुपैयाँ जरिबाना हुनेछ’ चुमनुब्री गाउँपालिका ४ का अध्यक्ष पेमा डुन्डुप लामाले भने, ‘कोही कसैले काटमार गरेको घटनाबारे हामीलाई सूचना दिए १५ हजार रुपैयाँ इनाम दिने निर्णय भएको छ ।’ यो नियमबारे गाउँपालिका र प्रहरीलाई समेत जानकारी गराइएको उनले बताए । यदी पालेको, काटेको वा खाएको सुराक दिएमा मात्रै पनि १५ हजार इनाम दिईने पेमा डुन्डुप लामाले बताए।

जरिवानाबापत संकलन भएको रकम अहिंसा अभियानमै खर्च गरिनेछ । यो नियमको गाउँपालिकाभरि प्रशंसा भईरहेको छ ।