नेपाली कम्युनिस्ट पार्टी (नेकपा)का संयोजक पुष्पकमल दाहाल प्रचण्डले जनवर्गीय संगठनहरुको बैठकमा चुनावमा आफ्नै पार्टीलाई भोट नहाल्नेलाई कारवार्ही गर्ने बताए ।

२१ फागुनमा भएको प्रतिनिधिसभाको चुनावमा नेकपालाई केन्द्रीय सदस्यहरुले पनि भोट नहालेको रिपोर्ट आएको र भोट नहाल्ने केन्द्रीय सदस्य खोजेर कारवाही गर्ने बताए ।

जेन–जी आन्दोलन पछि माओवादी केन्द्र र नेकपा एकीकृत समाजवादी लगायतकाका पार्टी र समुहहरु मिलेर नेकपा बनेको थियो । तर चुनावमा चौथो भएको छ । प्रत्यक्षमा ८ र समानुपातिकमा ९ सिट जीतेको छ ।

तर जनवर्गीय संगठनको बैठकमा प्रचण्डले पार्टीका केन्द्रीय सदस्यहरुले नै भोट नहालेकाले पार्टी पराजीत भएको बताएका छन् ।

उनले भनेका छन्,‘केन्द्रीय सदस्यहरु, प्रदेश समिति सदस्य र जनवर्गी समितिका केन्द्रीय सदस्सयहरुमाथि कारबाही नभए पार्टी बनाउन सकिँदैन । सबभन्दा पहिला केन्द्रीय सदस्यहरूबाटै त्यसको सुरुवात हुन्छ । फिप्टी पर्सेन्ट घण्टीमा गए भन्ने जनरल रिपोर्ट आएको छ ।’

५० प्रतिशत भोट रास्वपाको चुनाव चिन्ह घन्टीमा गएको रिपोर्ट आएको बताएका छन् । उनले भनेका छन्, ‘अरु बेला पार्टीको भन्ने भोट हाल्ने बेलामा अन्त जाने पार्टीको हुन सक्दैन । त्यो रिपोर्ट तपाईंहरुले दिनैप¥यो हामीलाई । तिनलाई कारबाही गर्नैपर्छ । कसले भोट हाल्यो हालेन , काम गर्ने र नगर्नेलाई समान रुपमा हेर्ने कुराको अन्त्य हुनु पर्छ । कमिटीहरु चुस्त दुरुस्त हुनु पर्छ भन्ने छ ।’

संगठनलाई तलैदेखि भेला सम्मेलनमा चुनाव गरेर चुस्त दुरुस्त संगठन बनाउनु पर्र्यौ ।
निश्चित संख्याको समिति बनाउने , राजनीति र मुद्दाको हिसाबले आफूहरुले जीतेको उनले बताएका छन् ।

उनले भनेका छन्, ‘रास्वापकाबाट महिला जीतेका भनेको सुनेका छौँ । ती माओवादीले जनयुद्ध र जनआन्दोलन गरेर महिलाहरु यसरी आउनु पर्छ नभनेको भए कहाँ बाट आउथे । हामीले भनेर आएका हुन् ।’

लडेर ल्याएको संविधानका कारण सबैको प्रतिनिधित्व भएको छ । राजनीतिक र वैचारीक रुपमा आफूले जीतेको प्रचण्डले दाबी गरेका छन् ।

विचार र राजनीतिमा नेकपाले नेतृत्व गरेको उनले बताएका छन् । उनले भनेका छन्, ‘चुनावमा हाम्रो जस्तो व्यवस्थीत परिचालन अरुको भएको छैन । रास्वापको त हावा हुरीका कारण यति सिट आएको हो । राष्ट्रिय र अन्तर्राष्ट्रि फ्याक्टर छन् । विकास गरेर जीत्ने भए चितवनमा जीत्नु पर्ने हो । जनताको चित्त बुझाएर विकास गरेर हुने भए भक्तपुरमा नारायणमान विजुक्छेहरु हार्नु भयो । पैसा भए विनोद चौधरीले जीत्नु पथ्र्यो । विनोद चौधरी पनि हार्नु भयो ।’
विचार र राजनीति प्रमुख भएकाले अझै त्यसमा जोड दिनु पर्ने प्रचण्डले बताएका छन् ।