काठमाडौं । बंगलादेशमा मोहम्मद युनुस सल्लाहकार सरकारको प्रमुख बनेपछि पनि आन्दोनल रोकिएको छैन । आन्दोलनकारी विद्यार्थीसमेतको सहभागितामा सल्लाहकार सरकार बनेको छ । तर शनिबार फेरि आन्दोलन भड्किएको छ । शनिबार आन्दोलनकारीहरूले न्यायलय घेराउ गरेका छन् ।

उनीहरूले न्यायाधीशरूको राजीनामा मागे । यसरी आन्दोलन फेरि चर्किएपछि प्रधानन्यायाधीश ओब्यादुल हसनले राजीनामा दिएका छन् । उनले शनिबार साँझ राष्ट्रपतिलाई भेटेर राजीनामापत्र बुझाउने निर्णय सुनाएका छन् ।

एक महिनादेखि जारी आन्दोलनले राजनीतिक उथलपुथल गर्यो । प्रधानमन्त्री शेख हसिाना वाजेदले राजिनामा दिएर देश छोडेकी छिन् । उनी भारतमा शरण लिएर बसेकी छिन् । नयाँ सल्लाहकार सरकार गठन भएको छ । आन्दोलन भने शान्त भएको छैन ।

प्रधानन्यायाधीशले अन्तरिम सरकार गठनबारे निर्णय लिन फुलकोर्टको बैठक बोलाएपछि आन्दोलनकारीहरू न्यायाधीशहरूको राजीनामा माग्दै सर्वोच्च अदालत घेराउमा पुगेका थिए । फुलकोर्टबाट अन्तरिम सरकार गठनलाई अवैध घोषित गर्ने तयारी रहेको हल्ला फैलिएपछि फेरि आन्दोलन भड्किएको हो ।