काठमाडौँ। शनिबार भारतका शिक्षामन्त्री धर्मेन्द्र प्रधानले राजीनामा दिएका छन्।

निट–युजी परीक्षामा देखिएको अनियमितताका कारण भारतमा विद्यार्थीहरुले हप्तौँदेखि आन्दोलन गर्दै आएका थिए । निट–युजीको प्रश्नपत्र लिक भएपछि विद्यार्थीहरु त्यसको विरोधमा दिल्ली र विभिन्न राज्यमा विशाल प्रदर्शन गर्दै आएका थिए । विद्यार्थीहरुको ३६ दिन लामो प्रर्दशन पछि अन्त प्रधानले राजीनामा दिएका छन् ।

प्रधानले सामाजिक सञ्जाल एक्समार्फत आफ्नो राजीनामा घोषणा गरेका हुन्। विद्यार्थीहरूको भविष्यलाई ध्यानमा राख्दै आफूले यो निर्णय लिएको उनले बताएका छन्।

उनको पत्रमा लेखिएको छ, ‘जन्तर(मन्तर र देशभर उत्पन्न परिस्थितिको फाइदा राष्ट्रविरोधी तत्त्वहरूले उठाउन नसकून्, राष्ट्र एकजुट रहोस्, भारतका विद्यार्थीहरू कानुनी झमेलामा नपरी आफ्नो अध्ययन र करिअरमा केन्द्रित होऊन् भनेर मैले प्रधानमन्त्रीसमक्ष राजीनामा पेस गरेको छु।’

यो घटनाक्रम आन्दोलनको नेतृत्व गरिरहेको अभिजीत दिपके नेतृत्वको समूह कक्रोच जनता पार्टी ९सीजेपी० का प्रवक्ताहरूले केन्द्रीय मन्त्री जेपी नड्डा र जितेन्द्र सिंहलाई भेटेको भोलिपल्ट आएको हो।

भेटपछि सीजेपीले सरकारले धर्मेन्द्र प्रधानको राजीनामाबारे निर्णय लिन एक दिनको समय मागेको बताएको थियो।

यस्तो छ प्रधानको पत्र 

मेरा युवा साथीहरू,
म चार दशकभन्दा बढी समयदेखि विद्यार्थी, शिक्षक र शिक्षा सुधारप्रति समर्पित छु। एउटा बलियो, समावेशी र दूरदर्शी शिक्षा प्रणाली नै बलियो राष्ट्रको आधार हो भन्ने मेरो दृढ विश्वास रहिआएको छ।

म देशका युवाहरूको आकाङ्क्षा, भावना र जायज अपेक्षाहरूको गहिरो सम्मान गर्छु। भारतको युवा पुस्ताको सपना साकार पार्नु हाम्रो सम्पूर्ण राजनीतिक र सामाजिक जीवनको नैतिक प्रतिबद्धता हो। दूरदर्शी नेतृत्वमा रहेर राष्ट्रको सेवा गर्ने अवसर दिनुभएकोमा म सम्माननीय प्रधानमन्त्रीप्रति आभार व्यक्त गर्दछु।
तर, मे ३, २०२६ मा सम्पन्न निट(युजी परीक्षामा अनियमितता भएको पाइयो। यसलाई तत्काल संज्ञानमा लिँदै भारत सरकारले अनुसन्धानको जिम्मा सीबीआईलाई दियो, परीक्षा रद्द गर्‍यो र पुनः परीक्षाको मिति घोषणा गर्‍यो। यसका साथै आगामी वर्षदेखि यो परीक्षा सीबीटी ९कम्प्युटरमा आधारित परीक्षण० मार्फत सञ्चालन गर्ने निर्णय पनि गरियो।

यस अवधिमा २० लाखभन्दा बढी विद्यार्थीको परीक्षा सहज रूपमा सञ्चालन गर्नु हाम्रो मुख्य प्राथमिकता थियो। यसका लागि सिङ्गो सरकारको अवधारणाअन्तर्गत काम गरिएको थियो। यसमा भारत सरकारका साथै राज्य सरकारहरू र विशेषगरी जिल्ला प्रशासनले महत्त्वपूर्ण भूमिका खेलेका थिए। यसबाहेक विद्यार्थी र अभिभावकहरूको सहयोगमा यो परीक्षा जुन २१, २०२६ मा सम्पन्न भयो।
पहिलो दिनदेखि नै मैले यसको जिम्मेवारी लिएँ र परिस्थितिबाट कहिल्यै पन्छिनँ। परीक्षा माफियाहरूबाट कुनै पनि मेधावी विद्यार्थीको भविष्य बिग्रन नदिने र कुनै पनि विद्यार्थीमाथि अन्याय हुन नदिने मेरो अठोट थियो।

जुलाई १६ मा प्रकाशित ‘निट–युजी’ को नतिजा सन्तोषजनक थियो। यसमा विपन्न पृष्ठभूमिका धेरै मेधावी विद्यार्थीले पनि सफलता हासिल गरेका छन्।
तर, यसैबीच जिम्मेवार पदमा बसेका व्यक्तिहरूले अवरोध सिर्जना गर्न र धेरै विद्यार्थीलाई भ्रममा पार्ने प्रयास गरे। यसले मेरो मनलाई निकै दुःखी तुल्याएको छ।

म हाम्रो लोकतन्त्रको शक्तिमा सधैँ अटुट विश्वास राख्ने व्यक्ति हुँ। मैले सधैँ युवाहरूका आकाङ्क्षा, सपना र अपेक्षाहरूको गहिरो सम्मान गरेको छु। उनीहरू भारतको भविष्य मात्र होइनन्, उनीहरू नयाँ र विकसित भारतका संवाहक, निर्माता र वास्तुकार पनि हुन्।

पछिल्ला १० दिनका घटनाक्रमलाई हेर्दा मेरो मन निकै दुःखी भएको छ। यो मेरो लागि व्यक्तिगत प्रतिष्ठाको विषय होइन। भारतको युवा शक्ति नै यस देशको वास्तविक शक्ति हो। देशको युवा शक्तिलाई भ्रमको जालोमा फस्न नदिने मेरो सङ्कल्प छ।

जन्तर–मन्तर र देशभर उत्पन्न परिस्थितिको फाइदा राष्ट्रविरोधी शक्तिहरूले नउठाऊन्, राष्ट्रको एकता कायमै रहोस्, भारतका एक जना पनि विद्यार्थीको भविष्य कानुनी झमेलामा नफसोस् र हाम्रा बालबालिकाले आफ्नो समय अध्ययनमा लगाउनुका साथै करिअर निर्माणमा केन्द्रित होऊन् भन्ने सबै कुरालाई विचार गर्दै मैले सम्माननीय प्रधानमन्त्रीसमक्ष आफ्नो राजीनामा पठाएको छु।

सम्माननीय प्रधानमन्त्रीज्यूको मार्गदर्शन, विश्वास र निरन्तर सहयोगका लागि म हार्दिक कृतज्ञता व्यक्त गर्दछु। साथै, मन्त्रिपरिषद्का आदरणीय सहकर्मीहरू, मन्त्रालयका अधिकारी तथा कर्मचारीहरू र मसँग काम गर्ने अवसर पाउनुभएका सबै व्यक्तिहरूप्रति पनि म आभार व्यक्त गर्दछु। राष्ट्रको सेवा मेरो जीवनको सर्वोच्च प्राथमिकता हो। म यसमा सधैँ समर्पित रहनेछु।

भगवान् श्री जगन्नाथजीको आशीर्वादले भारत आमा, ओडिशाका जनता र देशका युवाहरूको आकाङ्क्षा पूरा गर्न म भविष्यमा पनि हरसम्भव रूपमा आफूलाई समर्पित गरिरहनेछु।
भवदीय,
धर्मेन्द्र प्रधान

सीजेपीद्वारा राजीनामाको स्वागत, जन्तरमन्तरमा खुसियाली

लामो समयदेखि धर्मेन्द्र प्रधानको राजीनामा माग गरिरहेको सीजेपीले केन्द्रीय मन्त्रीको घोषणाको स्वागत गरेको छ। उनीहरूले भनेका छन्, ुशिक्षामन्त्रीले राजीनामा बुझाएका छन्। छात्र शक्ति जिन्दावाद १ु

प्रधानको घोषणाको केही समयपछि नै सीजेपीले इन्स्टाग्राममा एउटा भिडियो सेयर गर्‍यो। त्यसमा जन्तर(मन्तरमा मानिसहरूले खुसियाली मनाइरहेको र दिपके घुँडा टेकेर फोनमा कुरा गरिरहेको देखाइएको छ।
सीजेपीले गत महिनादेखि दिल्लीमा आफ्नो विरोध सुरु गरेको थियो।

जलवायु अभियन्ता सोनम वाङ्चुकले भोक हडताल सुरु गरेपछि आन्दोलनमा विद्यार्थीहरूको समर्थन झनै बढ्दै गयो। वाङ्चुकले यसै साता आफ्नो अनशन तोडे पनि सीजेपी प्रधानको राजीनामाको मागमा अडिग रह्यो। उनीहरूले राजीनामाबाहेक अन्य कुनै सम्झौता स्वीकार्य नहुने स्पष्ट पारेका थिए।