एमाले महाधिवेशनः मतदान ढिलो सुरु हुने

काठमाडौं । नेकपा एमालेको दशौं महाधिवेशन अन्तर्गत नयाँ नेतृत्व चयनका लागि अध्यक्षसहित विभिन्न पदमा हुने मतदानमा ढिलाई हुने भएको छ ।

उम्मेदवारको अन्तिम नामावली प्रकाशनमा ढिला भएका कारण मतदान पनि ढिला सुरु हुने बताइएको छ । केही विषय मिलाउन बाँकी रहेका कारण उम्मेदवारको अन्तिम नामावली प्रकाशनमा ढिलाइ भएको जानकारी निर्वाचन समितिले बताएको छ ।

केन्द्रीय निर्वाचन समितिले मतदानका लागि राति ९ देखि बिहान ३ बजेसम्मको समय निर्धारण गरेको थियो । तर उम्मेदवारको अन्तिम नामावली प्रकाशन हुन बाँकी रहेकाले अझै ढिला मतदान सुरु हुने जनाइएको छ ।

केन्द्रीय निर्वाचन समितिका पदाधिकारीका अनुसार राति ११ बजेबाट मतदान सुरु गर्ने सम्भावना बढेको छ ।