काठमाडौं । नेपाली कांग्रेसका सभापति शेरबहादुर देउवाले पार्टीको तर्फबाट सरकारमा सहभागी हुने मन्त्रीहरूका विषयमा कांग्रेस वरिष्ठ नेता रामचन्द्र पौडेल र नेता कृष्णप्रसाद सिटौलासँग छलफल गर्दैछन्।

आज शपथ ग्रहरण हुने भनिए पनि कुन कुन व्यक्ति मन्त्री हुने भन्ने बारेमा टुङगो लागेको छैन । त्यहि विषयमा छलफल गरी नाम टुङगो लगाउन देउवा पौडेल र सिटौलासँग छलफल गर्न लागेका हुन्।

माओवादी केन्द्रका अध्यक्ष पुष्पकमल दाहाल ‘प्रचण्ड’सँग भेटवार्ता सकिएपछि पार्टीका दुई नेतासँग छलफल गर्न लागेको बताइएको छ।

कांग्रेसबाट ज्ञानेन्द्रबहादुर कार्कीलाई अर्थमन्त्रीको जिम्मेवारी दिने टुंगो लागिसकेको। अन्य दुई जनाले पनि शपथ लिने बताइएपनि नाम र मन्त्रालय टुंगिन बाँकी रहेको बताइएको छ।

राष्ट्रपति विद्यादेवी भण्डारीले देउवालाई अदालतको फैसलाअनुसार प्रधानमन्त्री नियुक्त गरिसकेकी छन्। शपथ साँझ ६ बजे हुने भएको छ ।