काठमाडौं । नेकपा (माओवादी केन्द्र)को स्थायी कमिटी बैठक बस्दै छ । बैठक मंगलबार दिउँसो ३ बजे पार्टी केन्द्रीय कार्यालय पेरिसडाँडामा बस्ने छ ।

आज बस्ने स्थायी कमिटीको बैठकले नयाँ सरकार बनाउने, कांग्रेस र जसपासंग छलफल गर्ने विषयमा केन्द्रीत हुने प्रवक्ता नारायणकाजी श्रेष्ठले बताए । कांग्रेस र जसपाले प्रधानमन्त्री केपी शर्मा ओली विरुद्ध अविस्वासको प्रस्तावमा समर्थन नजनाउदा माओवादीले सरकारलाई दिएको समर्थन फिर्ता लिन सकेको छैन ।

यसअघिको बैठकले समर्थन फिर्ताको जिम्मा अध्यक्ष पुष्पकमल दाहाल ‘प्रचण्ड’लाई दिएको थियो ।