काठमाडौं । बैतडीको दोगडाकेदार गाउँपालिका–७ की १७ वर्षीया भागरथी भट्टको बलात्कारपछि हत्या अभियोगमा प्रक्राउ परेका दिनेश भट्टलाई प्रहरीले सार्वजनिक गरेको छ ।

जिल्ला प्रहरी कार्यालय, बैतडीमा आज पत्रकार सम्मेलनको आयोजना गरी भट्टराई सार्वजनिक गरिएको हो । प्रहरीले निरन्तर घटनास्थल र त्यससँग जोडिएकाहरुको बारेमा अनुसन्धान गरेको र प्राप्त प्राविधिक प्रमाण, प्रत्यक्षदर्शीको बयान, साबिती बयान लगायतका आधारमा भट्टलाई पक्राउ गरिएको सुदूरपश्चिम प्रदेश प्रहरी प्रमुख उत्तमराज सुवेदीलेआयोजित पत्रकार सम्मेलनमा जानकारी दिए ।

दिनेश भागरथी पढ्ने सनातन माध्यमिक विद्यालयको कक्षा ११ पढ्छन् । उनले आफूले भागरथीको हत्या गरेको प्रहरीसमक्ष बयानमा स्वीकार गरेको प्रहरीले जनाएको छ । दिनेशमाथि म्याद थप गरी थप अनुसन्धान अगाडि बढाइने प्रमुख सुवेदीले जानकारी दिए ।

भट्टविरुद्ध भागरथीले दाइले किटानी जाहेरीसमेत दिएको उनले जनाए ।