Swornakshar Logo

९ वर्षमा नेपाल–भारत सम्बन्ध हिट भयो, अब सुपरहिट बनाउने निर्णय गरेका छौँ : भारतीय प्रधानमन्त्री मोदी

काठमाडौं । भारतीय प्रधानमन्त्री नरेन्द्र मोदीले सन् २०१४ मा आफू पहिलोपटक भारतको प्रधानमन्त्री भएदेखि नेपाल–भारतको द्विपक्षीय सम्बन्धमा हिट भएको बताएका छन्।

प्रधानमन्त्री पुष्पकमल दाहाल प्रचण्डको भारत भ्रमणका क्रममा दिल्लीस्थित हैदरावाद हाउसमा संयुक्त पत्रकार सम्मेलनमा सम्बोधन गर्दै भारतीय प्रधानमन्त्री मोदीले नेपाल–भारत सम्बन्ध हिट भयो, अब सुपरहिट बनाउने निर्णय गरेका बताएका छन् । उनले आफू प्रधानमन्त्री बनेपछि सबैभन्दा पहिले नेपालको भ्रमण गरेको बताए ।

‘९ वर्षमा हाम्रो पार्टनरसिप साँच्चै हिट भयो,’ उनले भने, ‘९ वर्षको उपवलब्धी बयान गर्न खोजे दिन बित्छ, भविष्यमा सुपरहिट बनाउनेगरी महत्वपूर्ण निर्णय गरेका छौँ।’

भारत भ्रमणका क्रममा दुई पक्षबीच ७ बूँदे द्विपक्षीय सम्झौता भएको छ।

तल्लो अरुण, भारतीय बाटो हुँदै बंगलादेशसम्म बिजुली निर्यात, ४८० मेगावाटको फुकोट कर्णाली, पञ्चेश्वर बहुद्देश्यीय आयोजना, पेट्रोलियम पाइपलाइन, क्रस बोर्डर पेमेन्ट लगायतका विषयमा द्विपक्षीय सम्झौता भएको संयुक्त पत्रकार सम्मेलनमा जानकारी भारतीय प्रधानमन्त्री मोदीले दिए।