काठमाडौं। नेकपा एमालेको १०औं राष्ट्रिय महाधिवेशनको उद्घाटन समारोहमा केपी शर्मा ओली सहित अन्यदलका पाँच जना नेताहरुले सम्बोधन गर्ने भएका छन् ।
एमाले महाधिवेशनको उदघाटन चितवनको नारायणी नदी किनारमा १२ बजे गर्ने जनाएको छ ।
एमालेको तर्फबाट ओलीले सम्बोधन गर्ने छन् ।

महाधिवेशन उद्घाटन समारोहलाई प्रधानमन्त्री एवम् नेपाली कांग्रेस सभापति शेरबहादुर देउवाले सम्बोधन गर्नेछन् । अन्य राजनीतिक दलका शीर्ष नेताहरुले पनि सम्बोधन गर्ने छन्। माओवादी केन्द्रका स्थायी कमिटी सदस्य लिलामणि पोखरेल, जनता समाजवादी पार्टीअध्यक्ष उपेन्द्र यादव, लोकतान्त्रिक समाजवादी पार्टी अध्यक्ष महन्थ ठाकुर, र राप्रपा अध्यक्ष कमल थापाले सम्बोधन गर्ने छन् ।

एमाले केन्द्रीय कार्यालयका सचिव शेरबहादुर तामाङका अनुसार अहिलेसम्म अन्या राजनीतिक दलबाट पाँच जना नेताहरुले र एमाले अध्यक्ष केपी शर्मा ओलीले महाधिवेशनलाई सम्बोधन गर्नेछन् ।
एमालेबाट विभाजन भएर नेकपा एकीकृत समाजवादी पार्टी गठन गरेका नेताहरुलाई भने एमालेले महाधिवेशनमा निम्तो दिएको छैन ।