काठमाडौं । सत्ता गठबन्धनका शिर्ष नेताहरुबीच छलफल जारी रहेको छ । प्रधानमन्त्री निवास बालुवाटारमा प्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधवकुमार नेपालबीच छलफल भइरहेको छ ।

गठबन्धनका नेताहरुबीच जारी छलफलमा मन्त्रिपरिषद् विस्तारबारे छलफल हुने बताइएको छ ।

शनिबार पनि प्रधानमन्त्री देउवा र प्रचण्डबीच भेटवार्ता भएको थियो । भेटमा मन्त्रिपरिषद् विस्तारलाई छिट्टै पूर्णता दिने विषयमा छलफल भएको प्रचण्डको सचिवालयले बताएको थियो ।

गठबन्धनको सरकारले डेढ महिनासम्म पनि मन्त्रिपरिषद् विस्तार गर्न सकेका छैनन् । मन्त्रीपरिषद विस्तार नहुदा आलोचना भइरहेको छ । गठबन्धनबीच मन्त्रालयको भागबण्डा पनि नमिलेको बताइएको छ ।