काठमाडौँ । जनता समाजवादी पार्टी (जसपा)का मन्त्रीहरुले आज मन्त्रीबाट राजीनामा दिएका छन् । प्रचण्ड नेतृत्वको सरकारबाट बाहिरीएसँगै सरकारलाई दिएको समर्थन पनि फिर्ता लिएको छ ।

संसदीय दलका नेता उपेन्द्र यादवले सोमबार प्रचण्ड नेतृत्वको सरकारलाई दिएको समर्थन फिर्ता गरेको सभामुख देवराज घिमिरेलाई बुझाएका हुन् ।

समर्थन फिर्ता लिएको बोधार्थ प्रधानमन्त्री तथा मन्त्रिपरिषद्को कार्यालयलाई दिएका छन् ।