काठमाडौं । तमोर नदीमा जिप खसेर भएको दुर्घटनामा परेर मृत्यु हुनेको संख्या ६ पुगेको छ ।

ताप्लेजुङबाट धरान जाँदै गरेको मे १ ज ३०५५ को जिप आज बिहान पाँचथरको कुम्मायक– ३ कात्तिकेबाट तमोर नदीमा खसेको थियो । सो दुर्घटनामा परेर मृत्यु हुनेको संख्या ६ पुगेको प्रहरीले जनाएको छ ।

मृत्यु हुनेमा तीन जना पुरुष र तीन जना महिला रहेको प्रमुख जिल्ला अधिकारी अरुण पोखरेलले पुष्टि गरे ।

अन्य ६ जना घाइते भएका छन्, उनीहरूलाई उपचारका लागि अस्पताल लगिएको छ । घाइतेमध्ये एक जना ८ वर्षीय बालक रहेको खुलेको छ ।