काठमाडौं । प्रहरीले पूर्व डिआईजी छविराज जोशीलाई पक्राउ गरेको छ । सहकारीको रकम दुरुपयोग गरेको संसदीय छानबिन समितिको प्रतिवेदन कार्यान्वयनका लागि जोशीलाई पक्राउ गरिएको हो ।

अदालतबाट पक्राउ पुर्जी लिएर जोशीलाई नियन्त्रणमा लिने प्रयास भए पनि जोशी भाग्ने सूचना पाएपछि पक्राउ गरिएको प्रहरीले जनाएको छ ।

गोरखा मिडियाका सञ्चालकका रुपमा सहकारीको रकम दुरुपयोग गरेको समितिको प्रतिवेदनमा उल्लेख छ । यसैगरी पूर्व गृहमन्त्री तथा तत्कालीन गोरखा मिडियाका प्रवन्ध निर्देशक रबि लामिछानेलाई पनि पक्राउको तयारी भएको छ ।

उनलाई उच्च निगरानीमा राखेको र पक्राउको पूर्व जानकारी दिइसकेको प्रहरीले जनाएको छ ।