काठमाडौं । नेकपा एमालेका बरिष्ठ उपाध्यक्ष ईश्वर पोखरेलले प्रतिनिधि सभा पुनर्स्थापना अहिले सान्दर्भिक नरहेको बताएका छन्।

११ औँ महाधिवेशनमा अध्यक्षको प्रत्यासी घोषणा गरेका पोखरेले बुधबार पत्रकारहरूसँग आयोजना गरेको अन्तरक्रियामा प्रतिनिधि सभा विघटनलाई भने प्रतिगामी रहेको टिप्पणी गरे।

उनले भने, ‘प्रतिनिधि सभा विघटन गर्ने काम प्रतिगामी हो । तर, अहिले प्रतिनिधि सभा पुनर्स्थापना सान्दर्भिक छैन।’

उनले यो अहिले अदालतमा विचाराधीन विषय रहेको भन्दै धेरै टिप्पणी भने नगर्ने बताए।

नेकपा एमाले भने प्रतिनिधि सभा पुनर्स्थापनाको माग गर्दै सर्वोच्चमा रिट निवेदन दायर गरेको छ।

यद्यपि, पोखरेलले सर्वदलीय सरकार बनाउनुपर्ने जिकिर गरे।