काठमाडौं । नेकपा एमाले उपाध्यक्ष सुरेन्द्र पाण्डेले कम्युनिस्ट पार्टीभित्र तानाशाही र निरंकुशता रहेको टिप्पणी गरेका छन्।

शनिबार काठमाडौँमा आयोजित प्रकाश विकल्पको पुस्तक विमोचन कार्यक्रमलाई सम्बोधन गर्दै उनले उक्त कुरा बताएका हुन् । कम्युनिस्ट पार्टी भित्रको तानाशाही र निरंकुशताबाट पीडितहरुको जमघटले मात्रै समाज परिवर्तन नहुने बताए।

उनले भने, ‘कम्युनिस्ट पार्टीभित्र पनि तानाशाही र निरंकुशता छ, यसमा लड्दै आएको छ । यो सबै पीडितहरुको मात्रै जमघटजस्तो लाग्यो। पीडितको जमघटले समाज परिवर्तन हुँदैन।’
पाण्डेले लोकतन्त्रले देश विकास नहुने उल्लेख गरे। उनले भने, ‘यहाँ कतिपयले भन्नुभयो, लोकतन्त्रले देश विकास हुन्छ । मलाई कहिलेकाहीँ लाग्छ, त्यसले मात्रै उत्तर पाइँदैन कि भन्ने लाग्छ। दक्षिण कोरियामा तानाशाही शासनबाट देश परिवर्तन गरेर मरे। कहिले तानाशाही सकारात्मक भएर आउँछ, कहिले नकारात्मक छ। संसारमा एउटै अनुभव छैन।’