काठमाडौं । सिन्धुलीमा एउटै घरबाट १६ जना हराएका छन्।

सिन्धुलीको गोलाञ्जोर गाउँपालिक ६ बागेश्वरका न्ने ठाउँमा १६ जना सदस्य रहेको एक परिवार नै हराएको छ ।

वडाध्यक्ष रबिन श्रेष्ठले सामाजिक सञ्जालमा पोस्ट गरेर उर्मिला हायुको १६ जनाको परिवार हराएको जानकारी दिएका छन्। सीमान्तकृत समुदायको सामाजिक सुरक्षा भत्ता बुझेर फर्किएका परिवारकाका सदस्यहरु हराएका हुन् ।

वडाध्यक्ष श्रेष्ठका अनुसार उर्मिला हायुको घरमा आगो लागेर सामान्य क्षति भएको पनि बताएका छन् । घर पालुवा जनावर अलपत्र अवस्थामा छन् । उनीहरूको खोजी कार्य भइरहेको वडाध्यक्ष श्रेष्ठले बताए ।

उनले घरमा चौपायामात्रै अलपत्र छाडेर परिवारका सबै सदस्य हराएका जानकारी दिएका छन्।

जिल्ला प्रहरी कार्यालय सिन्धुलीले यसबारेमा बुझ्ने काम भइरहेको जनाएको छ।

स्थानीयले आइतबारदेखि उनीहरू सम्पर्कविहीन भएको बताएका छन्।