काठमाडौं । अख्तियार दुरुपयोग अनुसन्धान आयोगले नेपाल टेलिकमका प्रबन्ध निर्देशक (एमडी) संगीता पहाडी अर्याल विशेष अदालत काठमाडौंमा भ्रष्टाचार दायर गरेको छ ।

नेपाल टेलिकमको बिलिङ प्रणालीको मर्मत सम्भारसम्बन्धी ठेक्का लम्ब्याउने क्रममा भ्रष्टाचार भएको दाबी गर्दै आयोगले आइतबार पहाडी र र पूर्व प्रबन्ध निर्देशक सुनिल पौडेललगायत विरुद्ध विशेष अदालत मुद्दा दायर गरेको हो ।

यस मुद्दामा अर्याल, पौडेल र प्राविधिक प्रमुख प्रतिभा श्रेष्ठसहित १८ जनालाई प्रतिवादी बनाइएको छ ।

उनीहरूविरुद्ध ३३ करोड ४८ लाख १७ हजार ४३० रूपैयाँ बिगो कायम गरिएको छ ।

अन्य प्रतिवादीमा राजेन्द्र श्रेष्ठ, धविन्द्रलाल उपाध्याय, देवेन्द्र खतिवडा, बिनिता श्रेष्ठ, अमूल प्रधान, राजीवकुमार केसी, हेमप्रभा रामप्रताप कर्ण, नवल चौधरी, मुक्ति प्रसाद अर्याल, शंकर कुमार श्रेष्ठ, परमात्मा भट्टराई, शैलेस श्रेष्ठ रहेका छन् ।
यसैगरी, चिनियाँ कम्पनीका सिनियर डाइरेक्टर लङ योङ, चिनियाँ कम्पनीकै म्यानेजर हुवाङ ओई र एक चिनियाँ कम्पनीलाई प्रतिवादी बनाएर आयोगले मुद्दा दायर गरेको छ ।