काठमाडौं । पल्सर स्पोर्टस अवार्डको पिपल्स च्वाइस विधाको मनोनयन सार्वजनिक गरेको छ ।

आज सार्वजनिक भएको विधामा राष्ट्रिय खेल भलिबलबाट महिला भलिबल खेलाडी कबिता भट्ट मनोनयनमा परेकी छन् । विभागीय टोली एपिएफबाट घरेलु भलिबल खेल्दै आएकी छिन् । उनले हालै सम्पन्न काभा महिला नेसन्स लिग पनि खेलेकी थिइन् ।
यस्तै क्रिकेटका गुलशन झा, कबड्डीकी मानमती बिष्ट, फुटबलकी प्रीति राई तथा रग्बीका श्रीराम श्रेष्ठ मनोनयनमा परेका छन् ।

मनोनयनमा पर्ने पाँच मध्ये एक जनालाई भदौ २८ गते हुने अवार्ड कार्यक्रममा पल्सर मोटरसाइकलसहित पुरस्कृत गरिने मञ्चले जनाएको छ । पिपल्स च्वाइस विधाको विजेता मञ्चका सदस्य र राष्ट्रिय प्रशिक्षक तथा इ–सेवा र फेसबुक पेजमा खेलप्रेमीले गर्ने मतका आधारमा चयन हुनेछ ।

खेलप्रेमीले इ–सेवामा गरेको मतको मतभार ५० प्रतिशत, फेसबुकमा गरेको मतको भार २५ प्रतिशत तथा खेल पत्रकार र राष्ट्रिय प्रशिक्षकको मतको भार समान १२ दशमलव ५ प्रतिशत हुनेछ ।