काठमाडौं । नेपाल काभा वुमन्स नेसन्स लिग भलिबल प्रतियोगिताको फाइनलमा पुगेको छ। मंगलबार त्रिपुरेश्वरस्थित दशरथ रंगशालामा भएको खेलमा इरानलाई ३–० सोझो सेटमा पराजित गरेर नेपाल फाइनलमा पुगेको हो।

नेपालले समूह चरणमा इरानसँग हारेको थियो । तर आज भएको खेलमा जितेर त्यहि मैदानमा बदला समेत लिएको छ। समूह चरणमा नेपालले इरानसँग ३–२ को सेटमा पराजय भोगेको थियो।

मंगलबार उत्कृष्ट प्रदर्शन गरेको नेपालले पहिलो सेट २५–२१ ले जितेको थियो। रोमाञ्चक दोस्रो सेट नेपालले २८–२६ लेअघि रह्यो। दोस्रो सेटमा नेपालले इरानले तीन पटक म्याच प्वाइन्टमा पुगेको अवस्था उल्टाएकव थियो। तेस्रो सेट २५–२० ले जितेपछि खेल नेपाल फाइनलमा पुग्यो।

अब उपाधिका लागि नेपालले भोलि बुधबार भारतसँग खेल्नेछ।

यसअघि नेपालले समूह चरणमा भारतमाथि ३–२ को जित निकालेको थियो। सो जित नेपाली महिला भलिबलले भारतविरुद्ध हात पारेको पहिलो ऐतिहासिक जित हो।