हेटौंडा । मकवानपुरमा रहेको भमिफेदी क्षेत्रीय कारागारमा एकजना बन्दीको मृत्यु भएको छ । मनहरी–६, लोथरका ३५ वर्षीय समीर परियारको मृत्यु भएको प्रहरीले बताएको छ ।

मकवानपुरका प्रहरी नायव उपरीक्षक टेकबहादुर कार्कीका अनुसार बुधबार बिहान करिब साढे १० बजे कर्तव्य ज्यान मुद्दामा कारागारमा रहेका उनी बेहोस भई ढलेका थिए । उनलाई उपचारका लागि हेटौंडा अस्पताल ल्याएकोमा उनको उपचारको क्रममा मृत्यु भएको प्रहरीले जनाएको छ ।