Swornakshar Logo

बागमती प्रदेश प्रवेश गर्ने नाकामा प्रहरीको डीजीटल निगरानी, हेटौंडाको रातोमाटेमा सीसी क्यामेरा जडान गरिने

हेटौंडा ।साउन १६ । प्रदेश प्रहरी कार्यालय हेटौंडाले बागमती प्रदेश प्रवेश गर्ने सबै नाकामा प्रहरीको डीजीटल निगरानी गर्ने तयारी थालेको छ । सबै भन्दा पहिले हेटौंडाको रातोमाटेमा सीसीक्यामेराबाट निगरानि गरिने भएको छ । प्रदेशको आन्तरिक सुरक्षाका ध्यान दिदै अव प्रविधिकौ माध्यमबाट काम गर्नेगरी तयारी थालिएको प्रदेश प्रहरी कार्यालय हेटौंडाका प्रहरी नायब महानिरीक्षक बसन्त कुमार लामाले वताउनुभयो ।

बागमती प्रदेश प्रवेश गर्ने हेटौंडाको रातोमाटे, खासा केरुङ नाका, भारतबाट प्रदेश प्रवेश गर्ने विभीन्न नाकामा सीसी क्यामेराको माध्यमले निगरानी गर्न लागिएको हो । त्यसका लागि बागमती प्रदेशको आन्तरिक मामिला तथा कानून मन्त्रालयले बजेटको व्यावस्था गर्ने भएको छ ।

यसैगरी प्रदेशका १० वटै जिल्लाका सदरमुकाममा पनि सीसीक्यामेरा राखिने भएको छ । स्थानीय तहका सरकार र प्रदेश सरकारसंगको सहकार्यमा सीसीक्यामेरा राख्न लागिएको हो ।प्रबिधिका माध्यमले चेकिङ गर्दा सुरक्षामा थप सहजता प्रदान गर्ने छ साथै शान्तिसुरक्षा कायम गर्नका लागि सहयोग पुग्ने र अपराध नियन्त्रण गर्न सहज हुने भएकाले सीसीक्यामेरा राख्न लागिएको लामाले वताए ।