Swornakshar Logo

कम्युनिस्टका नाममा बदनाम सरकार थियो ढल्यो ठिक भयोः खनाल

काठमाडौं नेकपा (एकीकृत समाजवादी)का वरिष्ठ नेता झलनाथ खनालले कम्युनिष्टका नामा केपी शर्मा ओलीको नेतृत्वको सरकार बदनाम भएको बताएका छन् । भारतको राजधानी दिल्लीस्थित एपोलो अस्पतालमा आफ्नो मिर्गौला प्रत्यारोपण गराएर फर्केका खनालले कम्युनिस्टका नामा सरकार बदनाम भएको र त्यो ढल्यो । ढल्नु नै पर्ने बताएका छन् ।

उनले अझै गठबन्धन जारी राख्नु पर्ने बताए । उनले भने ‘लोकतन्त्रको रक्षा गर्नु छ । लोकतन्त्र, संघीयता गणतन्त्र कलिलो छ । यसलाई बचनाउनु पर्छ । हामीहरुबीच प्रतिस्पर्धा भएपनि सहकार्य अनिवार्य छ ।’

त्रिभुवन विमानस्थलमा पत्रकारसंग कुरा गदै खनालले आफ्नो शल्यक्रिया शतप्रतिशत सफल भएको जानकारी दिए । उनले भने ‘मेरो शल्यक्रिया शतप्रतिशत सफल भएको छ, मेरो यो नाफाको जीवन हो । अब सास रहुञ्जेल यो देशको सेवामा समर्पित रहन्छु ।’

खनालले एमालेबाट पार्टी विभाजन हुनु विद्रोहको संज्ञा दिएका छन् । उनले भने ‘विद्रोह सिर्जनाकोलागि हो , नयाँ बनाउनको लागि हो । नयाँ क्रान्तिकारी हुने हो ।’

उनले निजी स्वार्थ त्याग्नु पर्ने बताएका छन् । उनले भने ‘निजी स्वार्थ त्याग्नु पर्ने,सामूहिकतामा चल्नु पर्ने । समाजको भविश्य उज्वल बनाउनु पर्ने छ ।’

ओलीले पार्टी कब्जा गरेको र भ्रमका खेति भइरहेका बताए । तर ती भ्रमहरु विस्तारै उजाड बन्दै जाने । भ्रमका खेतिमा आफै केहि नहुने दाबी गरे ।

उनले भने ‘भारत जादा भारी मनले गएको थिए । एकताको आह्वान गरेको थिए । सर्वोच्चले ऐतिहाकि फैसला ग¥यो । संविधानको रक्षा गरेको छ । केपी ओलीको सरकार आफैमा निरंकुश थियो । त्यो ढल्नु भनेको मआफैमा निरंकुता ढल्नु हो । अंहकार ढलेको छ ।’
संविधानको मार्गदर्शक अनुसार समाजवादमा जानु पर्छ । समाजवादले नै उज्यालो भविश्य निर्वाण गर्ने खनालले बताए ।