Swornakshar Logo

ओलीसंग जसपा नेताहरुको छलफलः उपेन्द्र भन्छन्– व्यक्तिगत भेटघाट होला , पार्टीलाई समय आएपछि जानकारी गराउछौं–राजेन्द्र महत्तो

काठमाडौं । प्रधानमन्त्री केपी शर्मा ओली र जनता समाजवादी पार्टी (जसपा) का नेताहरुबीच भएको भेटवार्तामा सत्ता साझेदारीका विषयमा छलफल भएको बताइएको छ ।

तर यस बिषयमा जनता समाजवादी पार्टी (जसपा) भित्र तिव्र विवाद भएको छ ।

जसपाका केहि नेता ओलीसंगको वार्ताका बिषयमा असन्तुष्ट देखिएको छ भने अर्को पक्षले आफ्ना मागका बारेमा मात्र प्रधानमन्त्रीसंग वार्ता गरेको दावी गरेको छ । मंगलबार बालुवाटारमा जसपा नेता र सरकारी कार्यदलबीच छलफल भएको थियो । जसपा अध्यक्ष उपेन्द्र यादवले पार्टीका तर्फबाट ओलीसंग कुनै छलफल नभएको बताए ।

प्रधानमन्त्रीसंगको भेटघाट व्यक्तिगत हुन सक्ने तर पार्टीको औपचारिक छलफल नभएको उनले तर्क गरे । ‘अन्य दलसंग छलफल गर्नका लागि डा बाबुराम भट्टराई, आफु स्वयं , महन्थ ठाकुर, राजेन्द्र महत्तो र आशोक राई सम्मीलित टिम नै पार्टीको आधिकारीक टिम हो, हामीले कसैसंग छलफल गरेका छैनौं ।’ उनले भने ।

उनले कोहिले पनि व्यक्तिगत रुपमा कसैसंग भेट गर्न सक्ने र यसलाई पार्टीभित्रको मतभेद भन्न नमिल्ने जिकिर गरे । यता जसपा नेता राजेन्द्र महत्ताले भने प्रधानमन्त्रीसंगको छलफलका बारेमा अध्यक्ष र पार्टीलाई जानकारी गराउन नै बाँकी रहेको बताए । उनले छलफलका लागि जन्ती र जुलुस लिएर जान नमिल्ने भन्दै बालुवाटारबाट खबर आएकाले छलफल गर्न गएको उल्लेख गरे । छलफलमा जे निष्कर्ष आएपनि पार्टीभित्र छलफल गरिने उनको भनाइ छ ।

प्रधानमन्त्रीसंगको छलफलका क्रममा आफुहरुको मागका बारेमा छलफल भइरहेको र राम्रो गृहकार्य भइरहेको पाइएको उनले बताए । जसपाको एक पक्ष ओली इतर समूहसंग सहकार्य गर्नुपर्ने पक्षमा छ भने अर्को पक्ष वर्तमान प्रधानमन्त्री एवं नेकपा अध्यक्ष केपी ओलीलाई नै समर्थन गर्ने पक्षमा छ ।